Tok poeng borte
Tim er nøgd med spelet, men ikkje resultatet i dagens bortekamp mot Åkra.
Etter knepen siger over Bjarg i serieopninga spelte Os i dag sin første bortekamp for sesongen.
I fjor blei det 1-0-siger heime og 1-1 borte mot Åkra, i dag blei det mållaust.
Åkra - Os 0-0
– Dette var absolutt ikkje ein kamp som skulle blitt mållaus, synes Os-trenar Tim Henrik Sperrevik.
Han fortel om store sjansar begge vegar.
– Vi styrte spelet og skapte mykje. I periodar spelte vi veldig fint.
– Åkra kom på nokre overgangar og kom seg åleine med keeper to gongar. Begge gongar hadde Kloven matchvinnande redningar, seier Sperrevik.
Os: Anders Kloven - Torkel Hjertnes, Stian Lunde, Fredrik Heggland, Vegard Engelsen Moberg - Mats Lepsøe (Ramo Racic), Tore Valvik, Simen Lassen, Erik Kanestrøm - Preben Borgen - Christer Olsen.
I morgon speler Os 2 heime mot Fusa klokka 16.
A-laget sin neste kamp er heime mot Stavanger neste laurdag klokka 16.
Etter det ventar 1. NM-runde som går mot Åsane på Kuventræ onsdag 2. mai klokka 18.