Tok seks rumenarar
Stal for 100.000: Politiet på Stord fekk ikkje tatt heile banden, men på Halhjem sto store politistyrker og venta.
Tysda i 16-tida rykte sivil og uniformert politi ut til Halhjem ferjekai.
– Vi fekk melding om ei gruppe rumenarar som var mistenkt for å vera involvert i ganske omfattande tjuveri i Haugaland politidistrikt, fortel politibetjent Rune Fimreite.
Banden hadde forsynt seg grovt i ein butikk, el-varer til ein verdi av cirka 100.000 kroner var sakna då gjengen stakk frå staden.
– Politiet på Stord fekk tak i to av dei før ferja la frå land på Sandvikvåg. Vi stoppa ein bil og pågreip til saman seks personar i tillegg til dei to, fortel Fimreite.
Det er truleg yttarlegare éin bil involvert. Politiet i Os fann ingen av varene frå el-butikken, men dei fann andre varer dei mistenker for å vera tjuvgods.