Tok Tarzan

Natt til sundag, i 03.30-tida, fekk politiet melding om slåssing utanfor Esso-stasjonen.

- Ein av dei, ein mann i midten av 20-åra, blir meldt for å uroa offentleg ro. Om ein av dei i tillegg melder den andre for lekamsfornærming veit vi ikkje enno, seier operasjonsleiar Ragnar Lyssand.

Lettkledd med kniv
Knappe to timar seinare, klokka 05.20, dukka ein kjenning av politiet opp utanfor lensmannskontoret.

- Han var lettkledd, berrføtt og bar kniv. Det blei også funne ein tablett, noko vi trur er narkotika, i lomma hans, seier Lyssand.

Mannen blir meldt for å bera kniv på offentleg stad. Han blei kjørt til Bergen for overnatting i arresten.