Tonje samlagsmeister
Ungjenta Tonje Gorm-Hansen Tøsdal (12) sesongdebuterte utandørs med å vinna samlagsmeisterskapen.
Os skyttarlag stilte med 18 skyttarar i samlagsmeisterskapen, som blei arrangert av Åsane/Hordvik skyttarlag sundag. Skarpast var det ei av dei aller yngste jentene som gjorde det.
- Tonje Gorm-Hansen Tøsdal klarte bragden å vinna rekruttklassen, seier Steinar Eidsvik.
Ungjenta skaut sine første skot utandørs for sesongen under innskyting torsdag.
- Tonje har skote fantastisk bra innandørs i vinter og eg er spent på om ho klarer å ta med seg godkjensla når ho byter kaliber og kjem utandørs, sa Eidsvik til Midtsiden før skyttarane flytta seg ut.
Første og tredjeplass til Os
Tonje skaut 29/19, 6/3, 6/4 - 41/7 framfor Ole Kristian Ågotnes (41/5) frå Sartor.
På tredjeplass kom Mikal Smaadal også han frå Os skyttarlag med serien 28/11, 6/2, 6/3 - 40/5.
Måtte i omskyting
I juniorklassen blei det kamp om tredjeplassen. Dei tre osskyttarane Lisa Mine Gunhan, Heidi Hovland og Joachim N Midthun hadde alle 30 treff i innleiande runde og 12 treff i finalen.
Innertreffa blei dermed avgjerande og Joachim N. Midthun måtte ut i omskyting om tredjeplassen. Ei omskyting han vann.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.