Trå siger til Os
Handballdamene til Os slo Bjørnar 24-22, men dei imponerte ikkje i det som blei ein treig og tung kamp.

Med siger over Bjørnar ville Osdamene igjen innta tabelltoppen i kvinnene sin 2. divisjon. Det klarte dei, og det var kanskje det einaste å gle seg over i Oshallen laurdag.
– Det var ein skikkeleg dårleg kamp.
– Vi klarar ikkje få opp gnisten og tempoet.
– Når vi vinn ballen i forsvaret kjem vi ikkje ut av startblokka og blir for treige i kontra, oppsummerar trener Erlend Lyssand.
Gjekk på tvers
I etablert angrep kladda det òg for Osdamene denne laurdagen. Berre sju mål på dei første 25 minutta er ikkje kvardagskost.
– Vi går for mykje sidelengs og er for treige i angrep.
– Når vi kjem gjennom så ser vi ikkje på keeper og bommar, seier ein frustrert Lyssand.
Trass frustrasjonen gler Lyssand seg over ein ting.
– Jentene viser vinnarvilje dei siste ti minutta av første omgang og dei siste fem av andre omgangen.
– Det skal jentene ha skryt for, avsluttar Lyssand.
Os - Bjørnar 24-22 (10-9)
Os sitt lag: Vibeke Ingebrigtsen, Hanne Sørstrønen, Irene Tangerås (6), Silje Martine Aarseth, Emilie Hjertnes Halhjem (4), Maria Stangeland Lunde (1), Hilde Kristine Røttingen (2), Line Hjelle Berentsen (8), Elise Hjelle (3), Vilde Fyllingen, Marte Øvreeide (1)