Trafikk og fart gjennom Osøyro
Liv på Øyro 2: Resultat av måling og kommentarar til status.
I november var det fleire som fekk eit smil imot seg då dei køyrde inn i Os sentrum.
Men ikkje alle.
– Høgaste fart blei målt til 80 km/t. Det var inn Landboden, fortel Agnete Haugland frå teknisk drift i Os kommune.
Fartgrensa i Os sentrum er 30 km/t.
– Men det var heldigvis registrert låg snittfart, legg ho til.
Presenterte tala for prosjektgruppe
Onsdag 5. desember hadde prosjektgruppa Liv på Øyro 2 sitt andre møte. I tillegg til å diskutera nytt parkeringshus sto resultat frå trafikkteljinga på plakaten.
Det var sett opp fire teljepunkt, altså alle innkøyringane til sentrumkjerna; i Landboden, Brugata, Øyro og ved bommen framfor rådhuset.
Nokre stadar er målt på nytt. Her er eksempel på tal:
(ÅDT, snitt per dag året gjennom)
Torgata 1.449
Øyro 1.884
Brugata 4.805 (sum, inn-ut etter ny teljing)
Neste steg i kartlegginga er trafikkanalyse for Os sentrum.
Vil unngå skiltjungel
Etter å ha fått tala presentert diskuterte medlemmane av Liv på Øyro 2 fleire faktorar med trafikkbildet i sentrumskjerna.
• Fartsgrensa er i dag 30 km/t, bør den reduserast til 20 km/t?
• Bør det vurderast å gjera enkelte gater einvegskøyrd?
Eit eventuelt vedtak om å gjera enkelte gater einvegskøyrde blir fatta av Statens vegvesen.
– Éin ting er sikker, dagens situasjon er uhaldbar! seier varaordførar Marie Bruarøy (H).
På spørsmål om opplegget med shared space/delt plass fungerer som det skal, at all trafikk skjer på mjuke trafikantar sine premiss, hadde Nils Anders Nøttseter eit svar.
– Eg oppfører meg som om det fungerer, og krysser vegen der det passar meg. Det har til no fungert greit.
Kan dette med «shared space» forklarast med skilt?
– Eg er i alle fall opptatt av at ikkje Osøyro skal bestå av ein skiltjungel, sa ordførar Terje Søviknes (Frp).
I september blei det klart at Sesam Sesam skal koma med ny parkeringsløysing i Os sentrum.
– Då blir det desto viktigare med enkel og forståeleg skilting.
Trine Lindborg (Ap) påpeikte at det i gata Øyro var eit problem med at folk parkerer på begge sider av vegen, når det berre er lov å stå på rådhus-sida (og berre i 30 minutt).
Ho kommenterte òg at mange skildrar parkeringsforholda utanfor apoteket som kaotisk.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.