Trafikkuhell i Industrivegen

Politiet rykte klokka 11.29 torsdag ut på melding om trafikkuhell i Industrivegen.

To bilar hadde kollidert i 50-sona i nærleiken av Uno X.

– Ein bil hadde køyrd på ein annan bakfrå, fortel politioverbetjent Anne Lyssand.

Bilistane, ein mann i 50-åra og ei kvinne i 70-åra, framsto som uskadd.

– I ulykke med påkøyrsle bakfrå hender det at skadene blir merkbare i etterkant, så det er oppretta sak.

Prikkfritt på Skeie

I tida rundt skuleslutt torsdag, i ein time frå klokka 13.30, hadde politiet trafikkontroll i krysset mellom Skeisflaten og Skeismyra (vegen inn til idrettsplass, skular og barnehage).

– Det var mykje trafikk av både bilar og fortgjengarar. Fokus var på bilbeltebruk og mobilbruk.

– Patruljen fann ingenting å reagera på, og det synest eg er veldig bra, seier Lyssand.

Unge menn i uregistrert køyretøy

Tideg på kvelden i går, klokka 18.35, stoppa politiet eit køyretøy som ikkje var registrert.

To menn på rundt 20 år var i køyretøyet.

Politiet har oppretta sak.