Trafikkuhell på E-39

Omlag ti over halv elleve kom meldinga om eit trafikkuhell ved Liafjelltunnellen på E-39. Politi, brannvesen og ambulanse rykka ut til ulukka.

- Eg har ikkje så mykje informasjon førebels.

- Ulukka skal ha skjedd på Halhjemssida av tunnellen. Patrulja er på staden, fortalde politioverbetjent Terje Sperrevik ved Os lensmannskontor like etter ulukka.

Det skal berre ha vore ein bil involvert. Føraren skal etter det Midtsiden kjenner til ikkje ha fått alvorlege skader etter møtet med autovernet.

I følgje Morten Kronen ved operasjonssentralen skal føraren, ei ung kvinne, fått sleng på bilen og hamna i autovernet.

Det skal ikkje ha vore spesielt glatt på staden.

Vegen blei ikkje stengd. Øvrig trafikk blei dirigert forbi i motsatt køyrebane.