Trafikkulykke på Hauge

Klokka 08.25 kom det melding om ei trafikkulykke på Hatvikvegen.

Vest politidistrikt skreiv på Twitter at ein mopedist hadde velta.

Politi og ambulanse var raskt på staden.

Såg ikkje skuteren

Årsaka til ulykka skal vera at ein bilist som køyrde ut i Hatvikvegen frå Hegglandsdalen ikkje såg ein skuter som kom frå Hatvik.

Til Midtsiden seier bilføraren at han ikkje såg skuteren før det var for seint.

– Eg såg ikkje skuteren før eg var kome ut av krysset. Då bremsa vi begge to, men ho velta.

Det skal ikkje ha vore alvorleg samanstøyt mellom bil og skuter, men skuteren glei nokre meter, og laga ein liten skade nedst på bilen.

Førar av skuteren, ei kvinne i 40-åra, framsto som lettare skadd, og er sendt til legevakt i Bergen for røntgen.

OPPDATERT: Politiet tok beslag i førarkortet til bilførar. Han samtykka i beslaget.