To bilar var innblanda i ei trafikkulykke på Ulvensletta i natt - seks ungdommar til legevakt. (Lesarbilde: tips@midtsiden.no)

Trafikkulykke på Ulvensletta i natt

OPPDATERT: Skal ha bremsa for ein hjort - seks ungdommar til legevakt etter at to bilar var innblanda i ei ulykke. Den eine bilen hamna i grøfta.

image
image
Av: Kjetil Osablod Grønvigh

Rundt klokka halv to i natt var det ei trafikkulykke på Ulvensletta, like ved Vaksinen og flystripa.

Brannsjef Stein Gjøsund fortel til Midtsiden at to bilar, begge i retning Hagavik, kolliderte. Den eine bilen hamna i grøfta.

– Helse og brann var raskt på staden, og seks ungdommar vart køyrt til legevakten for vidare sjekk, fortel Gjøsund.

Begge bilane vart henta av bilbergar.

Seier dei bremsa for hjort

Politibetjent Sindre Hallem ved Os lensmannskontor fortel at det er oppretta sak etter hendinga i natt. Han legg til at foreløpige forklaringar tilseier at den eine bilen bremsa for hjort i vegbanen.

– Korleis dette leia til kollisjonen mellom dei to bilane vil den vidare etterforskinga visa, avsluttar Hallem.

Fleire saker