Trailer står fast ved Svegatjørn

Bildeserie:

1 av 1

Fredag i 11.40-tida fekk Midtsiden tips om ein trailer som hadde køyrd seg fast på E39, i den eldre rundkøyringa ved Svegatjørn.

På Google Maps si trafikkovervaking såg det ikkje ut til å hopa seg opp med trafikk, men klokka 12.30 var det framleis dirigering på staden.

– Traileren er lang, og trengte å køyra opp på delar av midtrabatten for å koma seg rundt. Men hjula kom ut i blaut jord, og traileren blei ståande fast, fortel politioverbetjent Rune Fimreite.

Politiet dirigerer på staden og bergingsbil skal i skrivande stund vera i nærleiken, eller på staden.

– Det heile løyser seg nok snart, seier politiet.