Trassa vêret

"Kom deg ut-dagen" blei onsdag arrangert for andre gong, med like stor suksess som den første.

- I fjor fekk vi to timars opphald i regnvêret og var sikre på at i år skulle det blir fint vêr, men så heldige var vi ikkje, seier Aud Winsents, leiar på den kommunale delen av Luranetunet i regnet.

Trass i vekslande vêr frå sol og blå himmel til tettare regnvêr kom bebuerane på både den kommunale og privatdrevne delen av Luranetunet seg ut i aktivitetsløypa tilrettelagt av ungdommar på Helsefagarbeidarlina, VK2 frå Os Vidaregåande skule.

- At bebuarene tykkjer det er kjekt er eg ikkje tvil om. Eg høyrde nettopp om ein som ikkje pleiar å vera ute, men som no har holdt på ein heil time og storkost seg, fortel Winsents.

Viktig for elevane

Helsefagarbeidarelevane frå Os Videregåande skule går i ei klasse som er tilknytt organisasjonen Livsglede for eldre. Saman med Demensforeninga, Os Turlag, Os Frivilligsentral og Os Røde kors står dei bak arrangementet som er ei forlengig av Turistforeninga sin "Kom deg ut"-dag sist sundag.

- Dette er ein flott måte å starte eit nytt skule år på.

- Gjennom planlegging og gjennomføring av arrangmentet lærar elevane kvarandre og kjenne, og vi får spleisa klassa godt saman i starten av skuleåret, fortel kontaktlærar Jane-Gro Nøss.

Bebuerane på Luranetunet kom seg ut i ei aktivitetsløypa som omfatta oppgåver for sansane, hjernen og baud på fysiske utfordringar.

- Her har dei fått oppgåver kor dei skulle kjenna igjen lyder og stader i Os, dei har kasta bowling og på stikka og gjetta på både vekt og størrelse.

Som avslutning på runda var det lett servering i kantina som seg hør og bør etter at ein vore ute på tur.