Tre EM-medaljar til Os

Bildeserie:

1 av 1

I helga blei det arrangert EM i karate for stilarten Wado, som Os Karateklubb trener, på Kypros.

Ida Lund Bakke, Armin Palislamovic og Vidar Mjånes tok kvar sin bronsemedalje.

Armin nær to medaljar

Os stilte med fem utøvarar. I tillegg til dei tre som tok bronse var Amanda Njøten med og tok 5. plass i kamp, mens Aner Palislamovic debuterte i seniorklassen og fekk som venta noko tøff motstand.

– Men det kunne fort blitt ein medalje til. Armin, som tok bronse i kata, vann kvartfinalen i kamp 9-0, men fekk seg ein smell i semifinalen og kunne ikkje gå bronsefinale etterpå, fortel coach Cato Bruarøy.

Vidar Mjånes tok medalje i kamp i førre EM, men stilte kun i kata i år, der han tok bronse.

– Vidar gjekk veldig bra og hadde berre to fulltidsutøvarar over seg på pallen, fortel Cato.

Unge Ida Lund Bakke (13) fekk ikkje mykje motstand og i bronsefinalen trekte motstandaren seg.