(Ill. foto: Kjetil Vasby Bruarøy)

Tre menn braut besøksforbod på same dag

To av dei hadde besøksforbod mot kvarandre.

Av: Kjetil Vasby Bruarøy

Måndag i 14-tida fekk politiet melding om bråk i ein bustad i Kuvågen.

– Då vi kom fram var det roleg på staden, men i bustaden var to menn som har besøksforbod mot kvarandre, fortel politioverbetjent Audun Hadler-Olsen.

Dei to er i 40- og 60-åra.

– Det har tidlegare vore fleire valdsepisodar mellom dei to. Han som ikkje bur der blei sendt i marsj og begge blir meldt for brot på besøksforbod.

Oppsøkte ekskjærasten

På kvelden måndag, i 19.30-tida, fekk politiet melding om eit anna brot på besøksforbod.

Etter brot mellom eit par i 20- og 30-åra blei mannen i forholdet ilagt besøksforbod.

I går oppsøkte han ekskjærasten.

– Då patruljen kom til staden var han vekke frå eigedomen, men vi møtte han i nabolaget. Han blir meldt for brot på besøksforbod.