Tre minutt frå straffekonk
Os var einaste norske lag som tok seg til 1/8-finale. Der gjekk det mot straffekonk då motstandarane lykkast på kontring.
Os sitt G18-lag har gjort god figur i Gothia Cup denne veka, men gjekk på eit bittert tap i 1/8-finalen fredag morgon.
– Vi på sidelinja hadde byrja å førebu oss på straffespark-konkurranse etter at vi missa på ein av få store sjansar i kampen.
– Så kom ei kontring imot og kampen enda 0-1, fortel trenar Odd Jarle Hjelle.
IS Halmia gjekk vidare til kvartfinalen. Dei hadde ifølgje Hjelle henta inn tre spelarar frå A-laget, som er i 2. divisjon, før sluttspelet.
– Eg føler vi styrte spelet, men det var ein jamn kamp med få sjansar. Minuttet før baklengsmålet kom så var Øystein Takle Eide nær på å skli inn eit innlegg av Torgeir Lunde. Det er litt surt å ryka ut når vi var så nær avansement.
Solid gjennomføring av seriøse ungdomar
Os vann pulja og to av kampane i A-sluttspelet. Dei var einaste norske lag som tok seg til 1/8-finale, og har slått lag frå Sverige, Brasil, Tyskland og USA på veg mot 1/8-finalen.
På seks kampar har Os berre sleppt inn tre mål, inkludert eit sjølvmål etter ei misforståing.
– Vi har vore bunnsolide bak og spelemessig sterke. Det har vore ein veldig fin gjeng å reisa på tur med, ungdomane har vore seriøse og profesjonelle og kunne nok tatt dette endå nokre steg vidare om vi var hakket heldigare med marginane i dag.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.