Tre ransakingar

Kjetil Vasby Bruarøylørdag 26. sep. 2009 08:47

Fredag ettermiddag var politiet på ransaking i eit husvære i Os sentrum. Politiet fann mindre mengder GHB og to menn i 30-åra blei meldt for oppbevaring av det ulovlege stoffet.

Seinare på kvelden var det ransaking på ei adresse på Søfteland.

- Her var det fem personar. Ein av dei, ein gut i slutten av 20-åra, hadde narkotika i lommene. I tillegg fann vi brukarutstyr, seier politibetjent Kjartan Snorrason til Midtsiden.no.

Laurdag formiddag var politiet på ransaking igjen.

- Ein person er pågripe, seier Snorrason.

Han vil ikkje fortelja kva dei fann på staden, men ransakinga er ein del av etterforskinga av eit tjuveri.