Tre til legevakt
Serievinnar Lysekloster fylte opp den lokale legevakta etter prestisjeoppgjeret med Nore Neset sundag kveld.
Bildeserie:
Lysekloster sikra opprykk til 6. divisjon med siger over Søfteland for to veker sidan. Førre måndag vann dei sesongens siste heimekamp, i går spelte dei mot det einaste laget som har slått dei i år; Nore Neset.
- Sjølv om alt var avgjort blei dette ekstra spennande. Det er klart at vi ville ha revansje, seier Lysekloster-trenar Ørjan Sandal.
Men Nore Neset sto godt imot, og til pause sto det 0-0.
Talentfulle Nore Neset-ungdomar
Nore Neset spelte i 6. divisjon før dei for ei tid tilbake slo laget sitt saman med Søre Neset. I 2007 var stallen stor nok til at det midlertidige samarbeidet var over, og Nore Neset var laget som måtte starta på botn.
- Arne Sælensminde skal ha honnør for at han har heldt laget oppe denne tida, seier Kenneth Svenningsen.
- Eg overtok som trenar i sommar, og ungdomane som var juniorspelarar sist eg var aktiv i idrettslaget hadde utvikla seg veldig bra. Vi har no ein fin og stabil gjeng på 17-18 spelarar.
6 skåringar - 3 til legevakt
I andre omgang fekk Lysekloster det første målet.
- Kampen blei motsett av kva eg hadde trudd, vi pressa og prøvde å styra, medan dei kontra, seier Svenningsen.
Nore Neset-trenaren meiner laget hans hadde flest sjansar, men som kjent er det laget som skårar som gjer jobben best.
Og avdelingsvinnaren var effektive i angrep, brått var det 0-2 og 0-3. Gjestane leia også 4-0 før heimelaget reduserte til 1-4 og 2-4.
- Vi mangla ti mann før kampen, og måtte blant anna spela med reservekeeper som spiss i 2. omgang, seier Lsekloster-trenar Ørjan Sandal.
Dei få reservane han hadde med seg kom godt med. Lysekloster måtte senda spelarar til legevakt med ankelbrot, hjerneskaking og mistanke om leggbrot.
- Nore Neset spelte litt stygt etter at dei hamna 0-3 bak, men det var uhell, ikkje stygge situasjonar som var årsaka til skadene, seier Sandal.
Nore Neset enda på 4. plass i årets sesong, Søfteland på 3. plass og Njardar/Tysnes tok 2. plassen.
Lysekloster spelar semifinale i kampen om krinsmeistertittelen om cirka to veker (dato er førebels ikkje bestemt).
SJÅ TABELL - 7. div. avd. 2
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.