Treffsikre dagar

Bildeserie:

1 av 6

Konsert med Vassendgutane, open brannstasjon, golfturnering, Os-kamp og Fanamila - i år hamna messa Nore Neset Dagane med Liafjellet Opp på ei helg der dei måtte konkurrera med mykje anna.

- Vi hadde hatt plass til feire, men vi er nøgd med rundt 250 på Maggen, Cato Jensen og Jonny Olsen Band laurdag, og messa på dagtid blei bra besøkt, seier Morten Døsen.

- Komikarane var hysterisk morosame og Jonny Olsen Band lagde fest utover natta, for gjestar frå knappe 30 til godt over 70 år. Eg trur både artistar, utstillarar og gjestar koste seg, vi fekk i alle fall fine tilbakemeldingar, legg han til.

Treng fiber
Det nye tilbodet linkeparty lokka rundt 40 ungdomar til Nore Neset Aktivitetshus fredag kveld og natt til laurdag.

- Vi merka dessverre at internettlinja ikkje var god nok, det blir litt rykk og napp i periodar. Men no skal vi i dialog med BKK for å få fiber på plass, for vi vil tilby linkeparty også neste år.

Sakna sundagsope messe
Storsalen var innreia med stor kafé i den eine enden, ryddig og innbydande messeområde i den andre. I midten var scene og dansegolv.

- MatOs gjekk veldig bra, dei blei utselt både laurdag og sundag. Sundag hadde vi musikk, dans og teater, som var veldig bra, men det var nokre som sa dei sakna at også messa var open sundag. Det kan henda vi gjer noko med til neste år.

Stor dugnadsånd
I år har det vore eit generasjonsskifte i styret for Nore Neset Dagane. Det nye styret er imponert over dugnadsånden i nabolaget.

- Dette arrangementet hadde vore umogleg å få til utan denne innsatsen, og det er utruleg kor mange som stiller opp for å hjelpa til. Det er tydeleg at norenesingane er glade i aktivitetshuset og i Nore Neset Dagane, seier Morten Døsen.