«Tubs» tok tabben på Trane

Heime sleit dei seg til siger over Trane, borte starta det heller ikkje så bra.

Kjetil Vasby Bruarøymandag 06. sep. 2010 10:43

Ei skåring på overtid måtte til for at Søre Neset skulle klara 2-1 og 3 poeng i vår. Før gårsdagens bortekamp mot same lag følte dei raudkledde seg heller ikkje heilt trygge.

- Vi har respekt for Trane etter det dei presterte i vår, og på eigen bane i går var det dei som tok leiinga (15. min), fortel Morten Øvrebø.

Men Torbjørn «Tubbs» Hjelle utlikna i 27. minutt, 10 minutt seinare sørgja Anders Kinden for leiing til pause.

- Vi heldt fram i same stil som mot Apollo i førre runde, det er mykje fin fotball å sjå hos oss for tida, synes trenaren.

Robin Hjertnes, som har vore skadd i starten av sesongen, blei byta inn og auka til 1-3 og 1-4 i 55. og 63. minutt.

Remi Lindborg, som gjekk frå Fusa til Søre Neset i sommar, spelte frå start og sette inn kampens siste mål, 1.5 i 90. minutt.

Trane - Søre Neset: 1-5 (1-2)
Søre Neset frå start (4-3-3): Anders Kloven, Frank Haugland, Emilis Zilinskas, Audun Røren, Ørjan Hellesnes, Anders Kinden, Andreas Pettersen, Øystein Lien, Torbjørn Hjelle, Remi Lindborg og Tore Kinden.
Innbytarar med speletid: Kjetil Henriksen, Lars Martin Høyvik, Robin Hjertnes og Erlend Eidhammer.