Tull med buss og bil

Innbrot i bil på Buena og buss utan skilt på Søre Neset.

Kjetil Vasby Bruarøytorsdag 15. apr. 2010 07:37

Onsdag fekk politiet melding om innbrot i bil.

- Innbrotet har skjedd for ei stund sidan, truleg natt til fredag for ei lita veke sidan, fortel lensmann Rasmus Dalen.

Eit stereoanlegg er sakna frå bilen, som sto parkert på Buena kai i Lysefjorden då innbrotet skjedde.

Tok nøklane til bussen
I 23.30-tida onsdag kveld rykte politiet ut til Søre Neset, der nokon prøvde å starta ein buss utan registreringsnummer.

- Patruljen tok beslag i nøklane og gav beskjed om at bussen må fjernast, seier Dalen.

- Så no må dei skaffa prøveskilt for å henta nøklane tilbake?

- Ja, men dei treng også nokon med førarkort som er gyldig for buss.