Tull og fyll i trafikken

Mann kjørte utfor i fylla, kvinne kjørte utan førarkort og eldre mann mista førarkortet.

Kjetil Vasby Bruarøytirsdag 06. juli 2010 08:02

Måndag blei ein bilførar utan lappen stoppa i Mobergsbakken.

- Førar var ei kvinne i 20-åra, og ho blir meldt for å ha kjørt utan gyldig førarkort, seier lensmann Rasmus Dalen.

Same dag blei ein eldre bilførar stoppa av politiet, etter melding om mistenkeleg kjøring. Vedkomande hadde ikkje promille, men det blei tatt beslag i førarkort til lege har vurdert om vedkomande framleis er skikka til å kjøra bil.

Utfor i fylla - i Fana
Ein mann i 20-åra kjørte utfor i Bjørnevegen bak Lagunen Storsenter tysdag morgon. Mannen skal vera ein osing som prøvde å ta ein snarveg.

Bilføraren blei ikkje skadd, men er ifølgje RadiOs mistenkt for promillekjøring og frakta til lege for å ta blodprøve.