Tveit hjelper Eidsvik-kundane
Etter at Circle K la ned på Os, har fleire lurt på kor dei no kan bruka korta frå selskapet. Svaret ligg 100 meter lengre opp i gata.
– Vi har fått fleire henvendelsar frå folk som tykkjer det er dumt at vi har lagt ned stasjonen på Osøyro og som har lurt på kva dei no skal gjera. Vi tykkjer også det var synd at det blei slik, men det var diverre lite vi kunne gjera med det, fortel Ronny Fiskerstrand i Circle K.
– Ein liten trøst kan vera at alle rabattordningane vi hadde på Circle K får du også på Best litt lengre opp i byvegen. Det einaste unntaket er Circle K Xtra som er eksklusivt for våre stasjonar.
Ikkje merka det store trøkket
Rolf Tveit på Best Os Servicesenter stadfestar at alle Circle K-rabattane gjeld hos dei også.
– I tillegg har vi nokre eigne på toppen, så summa summarum kan kundane koma betre ut.
– Må ein gjera noko spesielt?
– Nei, ikkje anna enn å køyre hundre meter ekstra for å fylle drivstoff.
– Korleis har det vore etter at Eidsvik la ned, har de merka auka pågang?
– Eigentleg ikkje, det er nok litt for tidleg enno, men litt har det vore. Mange lurar på om dei kan få gjort det same hos oss som dei fekk hos Eidsvikane og det kan eg forsikra om at dei får.
– Far min var faktisk med på det første spadetaket då Eidsvik starta stasjonen der nede og sjølv har eg i juni vore i bransjen i 46 år, så vi har det i blodet akkurat som dei hadde det.
– Eg trur óg at vi begge familiane er og har vore like opptekne av å gje kundane den beste servicen. Det er mange parallellar mellom dei to familiane, med kunden i fokus.
Trist når noko legg ned
Sjølv om han no kan oppleve større trafikk tykkjer Rolf Tveit det er trist at Circle K-stasjonen no er borte.
– Det er alltid trist når nokon må legga ned. Eg føler med dei og var nede der den siste søndagen for å ta ein prat med Henrik. Vi kunne jo tenkt oss korleis vi hadde hatt det om det var vi som hadde måtte legga ned.
– Forskjellen på dei og oss er vi sjølv eig tomta og anlegget, så vi har vel ei litt betre styring på det enn det dei hadde. Eg håper berre at dei kjem seg i jobb igjen, avsluttar Tveit.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.