Ulykke og kø på E39

Bildeserie:

1 av 2

Laurdag i 14-tida blei det delvis stopp i trafikken etter ei ulykke på E39 mellom Svegatjørn og brua over Ulvenvatnet.

– Bilen framfor bremsa for ein møtande ambulanse med blålys. Eg klarde uheldigvis ikkje å bremsa raskt nok, så eg prøvde å køyra på utsida, men det blei ikkje plass mellom teslaen og ambulansen, seier føraren av ulykkesbilen.

Bilen hans, ein Opel Astra, blei knust i fronten og er ikkje køyrbar. Teslaen han køyrde i har ein overraskande liten bulk bak på sida.

Førar av Opel var åleine i bilen, i bilen framfor var ei dame og hennar to små born. Midtsiden har snakka med begge bilførarane, ingen skal vera skadd i ulykka.

– Ambulansen tok ein kjapp stopp og sjekka oss før utrykkinga gjekk vidare. Vi fekk beskjed om å venta på hjelp.

Kø retning Halhjem

Det er kø retning Halhjem på staden, men trafikken slepp forbi når det er ledig retning nord.

Midtsiden fekk ikkje kontakt med politiet, men brannvesenet fortalde klokka 14.18 at dei var to minutt unna. Då blir det truleg dirigering på staden.

OPPDATERT: Klokka 14.45 ser det ifølgje Google Maps ut til å vera kort kø ved ulykkesstaden.

– Vi har vore på ei ulykke på Søfteland, der ein bil hamna på sida og to vaksne ikkje kom seg ut, fortel varabrannsjef Arne Monsen.

Både politi, legevakt, ambulanse og brannvesen var på Søfteland i samband med ulykka, der brannvesenet måtte ta ut frontruta på bilen for at førar og passasjer skulle koma seg ut.