Sport | 07. juni 2012
UM på Ulvenvatnet
Over 60 unge roarar skal måla krefter i Os til helga.
Kjetil Vasby Bruarøytorsdag 07. juni 2012 23:08
Laurdag er det ungdomsmeisterskap på Ulvenvatnet.
– Dette kan reknast som uoffisielt NM og er for enkelte årsklassar den største konkurransen i landet, seier formann i Os Roklubb, Simon Bjørnevik.
Blant dei over 60 roarane som er venta til arrangementet er rundt 12 frå Os.
– Det blir spennande å følgja dei. Spesielt Mattias Haugland og Arne Hadler-Olsen, som har hatt så god start på sesongen.
Les òg: Har etablert seg i toppen
Medan 14-15-åringane skal i sving laurdag blir det fleire og litt eldre roarar på vatnet søndag. Då er det noregscup for junior på Ulvenvatnet.