Under ein nordnorsk måne

Bildeserie:

1 av 2

– Stol på meg når eg booker nordnorske artistar.

Denne forsikringa kjem frå arrangementssjef ved Oseana, Berit Steen.

Med eit tydeleg hjarte for nordnorske artistar og musikk, håpar Steen at publikum vil dela hennar glede for artistane som kjem på besøk i mars.

Alsos på Kvinnedagen - Sivertsen og Eggum mot to gongar utselt

Christel Alsos var månadens første nordnorske artist med sin konsert på fredag.

– Alsos leverte ein flott konsert på fredag, og det på Kvinnedagen, fortel Steen.

Torsdag 14. mars er det tid for duoen Halvdan Sivertsen og Jan Eggum.

– Desse to veteranane har vi hatt på besøk før, og nok ein gong ser det ut som at vi får to utselde hus.

Den folkekjære gitar-duoen er i desse dagar på vegen med forestillinga, «Vi to er ikke Romeo og Julius».

– Meir enn berre «Har du fyr?»

Torsdag 21. får Oseana besøk av Hekla Stålstrenga.

Steen innrømmer glatt at Tromsø-baserte bandet er ein av hennar personlege favorittar.

– Mange har nok allereie høyrt deira versjon av Ola Bremnes si låt, «Har du fyr?“, men dei er så mykje, mykje meir enn berre den låta.

– Dette er eit band som osar musikk- og formidlingsglede, og eg kan personleg garantera ei stor musikalsk oppleving, avsluttar Steen.