Bilen skal sjå svært skadd ut, men det er så langt ikkje meldt om personskade. (Lesarbilde, foto: Ingunn Tjore)
Bilen skal sjå svært skadd ut, men det er så langt ikkje meldt om personskade. (Lesarbilde, foto: Ingunn Tjore)

Utforkøyring på Hetleflåten

Ein bil har køyrd i ein stolpe.

Kjetil Vasby Bruarøy
13. januar 2020 - 19:19

Klokka 19.03 måndag kveld fekk Midtsiden melding om utforkøyring på E39 Byvegen på Hetleflåten.

– Det ser ut som om det berre er éin bil involvert. Bilen ser svært skadd ut, fortel eit vitne på staden.

Politiet opplyser klokka 19.10 at det har kome inn melding om ein bil som har køyrd i ein stolpe.

– Airbag er løyst ut, men det er ikkje meldt om personskade så langt.

Trafikken gjekk forbi ulykkestaden i starten, men politi og ambulanse har no rykt ut, og ifølgje Google Maps si trafikkovervaking, har det byrja å danna seg kø i begge retningar.

Ulykka har skjedd mellom den krappe, lange svingen på Hetleflåten og avkøyrsla til Hjellemarka.

• Har du bilde eller informasjon frå staden? Send til tips@midtsiden.no

Les meir om

Lokal Politi