Utlending brente bål

- Det hadde brent i heile natt om ikkje vi hadde kome for å sløkja.

Kjetil Vasby Bruarøyonsdag 09. juni 2010 08:30

Tysdag i 22.30-tida fekk politiet melding om bål ute av kontroll ved Vaksinen flystripe.

- Det var ein utlending som var på eit eller anna oppdrag i området som hadde tent bålet, fortel Terje Håvardstun frå Os brannvesen.

Politiet hadde hjelpt til med å sløkja det meste før brannvesenet kom fram, men det blei likevel behov for assistanse.

- Eit område på rundt 50 kvadratmeter var svidd av, og det hadde tatt fyr i ei rot. Hadde vi ikkje sløkt den så hadde det brent i heile natt, så det var bra at det blei meldt frå om brannen.