midtsiden

- Utruleg koseleg

Tor Endresen og dei musikalske venane hans koste seg med publikum i fullsett kyrkje onsdag kveld.

image
image
image
image
image
image
image
image
image
Av: Kjetil Vasby Bruarøy

- Det var utruleg koseleg i Os kyrkje i kveld, sa Tor Endresen til Midtsiden.no etter konserten onsdag.

Saman med Torstein Sødal, Rune Larsen, Marian Aas Hansen og musikarane Jon-Willy Rydningen (synth) og Olav Torget (gitar) fekk han julestemning i dei mange som fylte kyrkjebenkane i Os 1. desember.

SJÅ VIDEO NEDST I ARTIKKELEN

- Eg trur det er ei stund sidan det har vore så mykje allsong i Os, publikum var verkeleg med på notane, seier den kjente og kjære bergensartisten.

Det var etter ei fin juleforteljing om den gamle julesongen som ingen ville synga at Rune Larsen inviterte publikum til å synga med.

- Vi er i Os, sant? spurte han etter det som var noko spinkel deltaking.

På neste låt kom det seg veldig og utover siste halvdel av konserten tok det av på dei mest kjente songane. Men det var ikkje berre det folk flest forbinder med julesongar som dei fire kjente artistane framførte.

Simon & Garfunkel-låta «Bridge over troubled water» var det også plass til.

- For nokon kan også dette fungera som ein julesong, innhaldet i teksten fortel om litt av det jula handlar om, sa Larsen.

VIDEO: Sjå 2-3 minutt av konserten i Os kyrkje torsdag kveld. (Foto: Kjetil Vasby Bruarøy)

Fleire saker