Utseld på éin time
Billettane til opninga av Oseana blei reven vekk i løpet av éin time då salet starta fredag morgon.
Fredag kl 09.00 lanserte Oseana dei nye heimesidene. Samstundes starta salet av billettar til opning, HavFest, Vamp, Krohnengen Brassband og dei andre framsyningane under opningsfestivalen.
- I løpet av den første timen blei alle dei 120 billettane som var tilgjengelege til opningsframsyninga reven vekk, fortel arrangementssjef Berit Steen.
- Vi har den siste tida hatt stor pågang frå folk som ønska å sikra seg billettar til opninga, så vi hadde rekna med at det skulle bli utseldt.
- Men at det skulle ta berre ein time var meir enn vi hadde håpa å tru på, smilar arrangementssjefen.
Godt i gang med HavFest
Billettane til den spesialskrevne folkeoperaen HavFest blei òg lagt ut for sal i dag.
- Det er solgt ganske mange billettar til premiéra, men òg til dei andre tre framsyningane er salet i gang, fortel Steen.
Til kvar av forestillingane har ho plass til 490 tilskodarar.
- Skal folk vera sikre på å få med seg framsyningane bør dei nok ikkje venta for lenge før dei kjøpar billettar, er rådet frå arrangementssjefen.
Billettane selgast via oseana.no
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.