Vakre tonar i vognhallen

VIDEO: Eit stort og godt publikum fekk både konsert og omvising då Lyshornet Brass i går "blåste i brannstasjonen".

Kjetil Vasby Bruarøy
15. april 2013 - 11:55

Søndag hadde Lyshornet Brass konsert i Os, ikkje i gymsalen ved Lysekloster skule som først planlagt, for den var stengt. Men i vognhallen i den nye brannstasjonen på Moberg (!).

Les òg: Brennande tonar

– Det fungerte veldig fint. Musikarane syntest det var veldig behageleg å spela i stasjonen og det kom så mykje folk at vi måtte henta fleire stolar frå møterommet til brannvesenet, seier dirigent og konferansier, Karl Ole Midtbø.

SJÅ VIDEO NEDST I ARTIKKELEN

Lyshornet Brass er ein fusjon av Lysefjorden Musikklag og Kaland Brass, ei samanslåing som skjedde i 2008.

Korpset har medlemmar frå 12 til 75 år i alder, fleire av dei kjem frå Kaland skolemusikkorps og Os og Kuventræ skulekorps.

Midtbø leia publikum gjennom fine 45 minutt med musikk, som blant anna inneheldt to bass-soloar av gjesteartist Jone Finne Kuven.

Etterpå hadde Stein Gjøsund, som laurdag inviterer til open brannstasjon, omvising på stasjonen for publikum.

VIDEO: Sjå tre minutt av den flott konserten i brannstasjonen. (Foto: Kjetil Vasby Bruarøy)

 

Les meir om

Kultur