Vamp kjem til Osfest

I førre veke slapp Osfest sine første namn til festivalen i 2016, Marcus og Martinius har allereie selt over 3000 billettar.

I dag kjem dei med nok eit namn; Vamp speler på Osfest neste år.

Vamp samla heile 1200 i Oseanasalen seks dagar etter at kulturhuset hadde opningsfest, som ein tjuvstart på Osøren Blues & Jazzfestival.

Les meir og sjå bildeserie frå 2011.

I 2013 måtte dei avlysa ein utselt konsert i same hus grunna dødsfall i nær familie.

Frisk start på fredagen

– Vi er stolte over å kunna presentera eit av Noregs mest populære band til Osfest 2016. Sjølv om dei har spelt i Os før trur vi denne konserten kjem til å vera med på å gjera Osfest til ein folkefest, skriv arrangørane i ei pressemelding i dag.

Vamp skal opna storscenen klokka 18 fredag 5. august. Bandet har vunne Spellemannprisen fem gongar og kom med nyt album i år.