Vann 3-0 over Krabbetor

I vår spelte Os sin til no einaste uavgjorte kamp mot Krabbetor, i går slo dei same lag 3-0 på heimebane.

– Dette var ein fin start på hausten, seier trenar Cato Moldskred.

Os - Krabbetor 3-0 (1-0)
Målskårarar, Os: Marita Arentzen 2 og Linda Håland

Os tok leiinga i første omgang, men fekk press på seg første del av andre omgang.

Men så kom dei tilbake, skapte nokre sjansar, unngjekk 1-1 på kanonredning av Amalie Bøyum, overtok spelet og fekk inn 2-0 og 3-0.

Skåra i debuten

Os har fått 5-6 nye spelarar i sommar. Trine Lund, som har erfaring frå høgare divisjonar, er tilbake i Os. I tillegg har blant anna Linda Håland byrja å spela fotball igjen.

– Det er sikkert 10-12 år sidan eg spelte fotball på Søre Neset. Det siste året har eg jogga ein del, men dette var tungt, sa Linda etter kampen.

Linda utmerkte seg veldig bra offensivt og skåra 3-0-målet på frispark i Os-debuten.

Marita Arentzen sette inn dei to første måla.

På 2. plass

Os held seg stødig på 2. plass i 4. divisjon avdeling 2 etter nok ein solid siger.

Etter ti kampar står dei no med 8 sigrar, 1 uavgjort og 1 tap.

Neste kamp går på bortebane mot Bønes, som ligg på 3. plass på tabellen.

Os slo Bønes 2-1 heime i vår.

SJÅ TABELL