Vann 6 av 8 kampar
Norway Cup: Førstelaga til Os er framleis med i A-sluttspelet. Eitt av dei tre KIL/STIL-laga er også vidare. Tore Kleppe er dessutan intervjua av Aftenposten Nett-TV.
Onsdag var første dag i sluttspelet i 40 år gamle Norway Cup i Oslo. Laga frå Os vann 6 av 8 kampar og har framleis alle dei tre førstelaga i ulike klassar vidare.
KIL/STIL er vidare med eitt av tre lag.
VIDEO: Norway Cup-dommarar må stoppa kampar grunna ivrige foreldre. Sjå Tore Kleppe uttala seg til Aftenposten om livet på sidelinja.
3-0 til juniorlaget
Juniorlaget hamna på 2. plass i pulja etter to ufortente poengdelingar, men tok i dag ein fin 3-0-siger over Øvrevoll Hosle i 1/32-finalen.
Juniorane møter Sunndal i 1/16-finale klokka 12 torsdag.
Vinn dei den ventar truleg superlaget Karanba i neste.
Gjekk nesten på ein tidleg smell
Gutelaget (Os 1) hadde nok venta seg lett match mot Askøy 3, men møtte ein vegg av forsvarsspelarar og klarte ikkje å skåra før straffekonk. 0-0 blei til 3-1 og siger i 1/64-finalen.
Onsdag ettermiddag spelte gutelaget 1/32-finale mot Nordstrand. Der blei det ein fin 2-0-siger.
Os 1 møter Driv i 1/16-finale torsdag morgon klokka 9.
Grei siger til jentene
Os jenter 14 møtte Surnadal, som var vinnar av pulje 4 av dei 21 puljene, i dagens 1/16-finale.
Os tok leiinga, men fekk ei utlikning i første omgang. I motølys og motvind pressa dei likevel i heile omgangen, og 2-1 og 3-1 var ikkje til å unngå.
Jentene møter Team Nes klokka 13 torsdag.
Os 2 vidare i B-sluttspelet
Os gutar 14, som tok seg vidare til A-sluttspel med ein viktig 17-0-siger, gjekk sjølv på eit stortap i dag.
Start blei for sterke og Os tapte 0-8 etter å ha lagt under 0-5 til pause.
I guteklassen (G16) hamna både Os 2 og Os 3 i B-sluttspelet. Os 3 fekk seg ein etterlengta siger då dei slo Kjøkkelvik 3-1 på formiddagen onsdag, men tapte neste runde for Kolvereid med same siffer.
Os 2 har spelt 1/32-finale i dag og vunne 3-1.
KIL/STIL gutar 13 i støtet
Medan KIL/STIL jenter 16 tapte 1-3 i første runde i A-sluttspelet var superlaget i 13-årsklassen av same kjønn nær på å ta seg til kvartfinale.
Jenter 13 hadde 19-0 i målforskjell på fire kampar, men i 1/8-finalen enda det med 0-0 mot Skedsmo og avgjerd på myntkast, ein ikkje så kjekk måte å ryka på for dei flinke jentene.
Gutar 13 gjekk det betre med, dei vann både 1/32-finalen og 1/16-finalen, 5-0 over Sætre Graabein og 1-0 over Moster, og er klar for 1/8-finale mot Nordstrand torsdag klokka 14.30.