Vilde Drange Veglo skåra sigersmålet (foto for Midtsiden: Endre Brenne)

Vann kvartfinalen

Nore Neset/Os J15 fekk revasje frå i fjor då dei slo Gjelleråsen 1-0 i kvartfinalen på Norway Cup.

Av: Andris Hamre

Fredag morgon møttest dei to bronsefinalistane frå i fjor Nore Neset/Os og Gjelleråsen i kvartfinalen under Norway Cup. Den gangen tapte osjentene 0-3. I år fekk dei revansjen.

– Det er utruleg gøy. No fekk vi revansje frå i fjor, seier Morten Døsen i trenarteamet.

– Målet blei skåra av Vilde Drange Veglo etter pasning frå Malin Ludvigsen. Vilde satte ballen kaldt og roleg forbi keeperen til Gjelleråsen. Det var deilig å sjå.

Køyrde 2. omgangen

Døsen fortel om at kampen utvikla seg litt slik som dei hadde venta.

– Første omgangen blir ein ta og føle på omgang, nett slik vi hadde rekna med. Vi har våre sjanser og er frampå. Dei har sine sjanser. Vi køyrer kampen i perioder og det same gjer dei.

– I andre omgangen føler eg vi køyrer kampen i større grad, seier Døsen før han må coache jentene i nedløpinga.

Semifinalen går klokka 17 i ettermiddag. Nore Neset/Os møter Kolbotn som slo Herd 2-0 i si kvartfinale. Kampen går på bane 3 på Ekebergsletta.

Fleire saker