Vann med 5,5 kilo

Jostein Røttingen fekk mest fisk under fiskekonkurransen laurdag, med det var Jon Tore Døsen som fekk den største fisken.

Kjetil Vasby Bruarøymandag 17. aug. 2009 09:00

Som vanleg var fiskekonkurranse del av programmet for første kystsogedag i Os. Dei siste åra har det vore mellom 120 og 150 deltakarar på arrangementet, men regn og kulde gjorde nok at fleire heldt seg heime under årets første kystsogedag.

- Vi hadde 61 deltakarar, og det er vi nøgd med på ein slik dag, seier Per Pedersen frå styret i Os Småfiskarlag.

25 av deltakarane var i klassen over 16 år, 16 i klassen frå 10 til 16 år og 20 i klassen frå 9 år og ned. I tillegg til dei 61 deltakarane var det naturlegvis ein del foreldre.

Det var konkurranse i mest fisk (i kilo) per klasse, og størst fisk, uansett klasse. I fjor vann Astrid Nybø klassen over 16 år med totalt 8,2 kilo fisk. Med ein fisk på 4,06 kilo fekk ho også den største.

ÅRETS VINNARAR

Over 16 år: Jostein Røttingen, 5,5 kilo
10 til 16 år: Caroline Sørstrønen, drøye 2 kilo
Under 10 år: Markus Hufthammer, 1,140 kilo

Jon Tore Døsen si pale på 1,150 kilo var største fisk som blei fiska dei timane konkurransen heldt på.