Sport | 31. okt. 2014

Vann serien i 1. divisjon

Dei hadde klart seg med uavgjort, men vann siste runde 3-0. No blir det kretsfinale på øvste nivå for Os gutar 14.

Vann serien i 1. divisjon
Os G14 etter siger i 1/4-finalen i NM. Onsdag vann dei serien i 1. divisjon. (Privat foto)
Kjetil Vasby Bruarøy
Kjetil Vasby Bruarøyfredag 31. okt. 2014 08:00

Os gutar 14, som tidlegare i år tok seg heilt til semifinalen i uoffisielt NM, Adidas Cup, sikra onsdag førsteplassen i 1. divisjon.

Laget har leia av avdelinga i heile haust og møtte botnlaget Bønes i siste runde.

– Likevel var det spennande. Det er ingen dårlege lag i 1. divisjon og gutane var nok litt ekstra spent sidan 1. plassen sto på spel, seier trenar Robert Nøss.

Os - Bønes 3-0 (0-0)

SJÅ TABELL

Os står med 8 sigrar, 1 uavgjort og 0 tap på dei 9 kampane i haust, og har slått dei beste gutane frå blant anna Gneist, Bjarg, Fyllingsdalen og Fana på veg til toppen.

Det er to 1. divisjonsavdelinger i Hordaland og Os møter Sotra i Vestlandshallen i midten av november til kretsfinale.

– Følgjer Bakkerud sin filosofi

Robert Nøss fortel at han og resten av trenarteamet til smågutelaget har hatt stor nytte av sportsjef Lars Bakkerud si vegleiing.

– Vi har eigentleg tatt det han har sagt bokstavleg, og lagt opp øktene og øvingane etter målsetnaden om mest mogleg trening med relasjonar.

– Éin og éin- og to og to-øvingar får gutane heller ta om søndagen på eigentrening, når laget er samla så gjer vi mest mogleg i lag, med flest mogleg øvingar med motstand og med fokus på gode val og høgt tempo. Dette ser vi at spelarane har lært mykje av, dei har gått frå å vera ganske god til veldig god, meiner Nøss.


Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.