Jan Eirik på skuteren som blei stolen for ei veke sidan. (Privat foto)
Vannskuter stolen frå Os sentrum
Natt til fredag for ei veke sidan var det innbrot i tre naust i Kuvågen.
Same natt vakna Jan Eirik Tvedt Skjeldal av nokre lydar utanfor huset sitt i Midtskogvegen.
– Eg rekna med at det var avisbod eller nokon som køyrde ut reklame, så eg sovna igjen.
Skjeldal i haugen rett over Os sentrum. Då han såg ut glaset om morgonen var det uvanleg god plass utanfor huset.
– Vannskuteren min, som sto på tilhengar utanfor huset, var vekke! Berre klossane som låg under hengarhjula sto igjen, fortviler han.
To år gamal Seadoo
Jan Eirik kjøpte vannskuteren ny i 2016.
No hadde han tatt den på land for vinteren, og trudde den sto trygt på låst hengar heime på tunet.
– Eg har varsla politiet, forsikringsselskapet og Seadoo-forhandlaren eg kjøpte skuteren av. Eg har begge nøklane her, men dei som har tatt den er kanskje profesjonelle og klarer å starta den likevel.
Skuteren er svart og gul, av typen Seadoo GTR 215.
Førebels er den ikkje funnen.