– Var eit kjempekick

Ein trompet, ein alt-sax, ein bass-sax og ein tenor-sax skal vera med å skapa feststemning og trøkk når Fonos arrangerar sin sommarkonsert i Oseana fredag om ei veke.

– Det var ein ekstrem opptur og eit kjempekick då vi øvde med blåsarane for første gong på tysdag.

– I tillegg er det ekstra kult at alle arrangementa for blåsarane er gjort av Aasmund Brekke på ei strand i Brasil, stråler Stine Kobbeltveit.

Berre tre på norsk

Dirigenten fortel at dei er godt i rute før konserten.

– Vanlegvis ligg eg vaken til langt på natt og grublar, men no føler eg at vi har kontroll, så då blir det litt meir søvn òg.

– Det kjem til å bli god feststemning, med låter mange vil kjenna att.

– Av ein eller merkeleg grunn blei det berre tre norske låtar denne gongen.

– Kvifor veit eg eigentleg ikkje, det blei bare sånn. Kanskje fordi at vi plukka låter som skulle fungara med blåserane.

Happy

På reportoaret står mellomanna Signed, Sealed, Delivered av Stevie Wonder og Happy av Pharell Williams.

– Vi må jo ha med Happy som går og surrar på radioen heile dagen.

– Glade er vi òg for at publikum vil ha oss.

– Juni er ei travel tid, så at vi har solgt så mykje som 200 billettar allereie er vi strålande nøgd med, avsluttar dirigenten.

Lysekoret på Lysøen

Fonos er ikkje det einaste av os-kora som vartar opp med med sommarkonsert i juni.

Berre to dagar seinare er det god grunn til å ta seg ein tur på Lysøen.

Der vil nemleg Lysekoret ausa av sitt mangfaldige reportoar i deira sommarkonsert med Tarjei Skeie som dirigent.

På set-lista står mellomanna klassikarar som Sumarkveld ved fjorden og Bridge over troubled water.