Varde på jordet
Dei er ofte først på åstaden. Men i dag utgjorde dei åstaden.
Varde Film og Media driv i hovudsak med filmproduksjon, men med rask utrykking til ulykkesstader blir sal av bilde og film til aviser og tv ei fin lita tilleggskjelde til inntekt.
Søndag var det eit lite uhell i Os, men då trengte ikkje Varde å kjøra ein einaste meter.
– Når vi synes det skjer for lite så lager vi situasjonane sjølv, spøker dagleg leiar Anders Fløysand.
Gjekk frå bilen i første gir
Det var kollegaen hans, Vegard Strønen, som i dag var uheldig og hamna utfor vegen på Ferstad.
– Vegard var heime hos foreldra og skulle henta noko. Han gjekk frå bilen i første gir på ein relativt flat veg. Då han kom ut igjen blei han vitne til at bilen segla ned bakken og utfor skråninga.
Ingen skadd
– Bilen var heilt på vippen til å velta rundt, seier Anders, som sjølv har sendt oss bilde av bilen.
Ingen blei skadd med redningsbilen brukte lang tid på å få den uniformerte Varde-bilen opp på vegen igjen.