Vårprogrammet i Oseana
Frå i dag kan du planlegga den kulturelle delen av vinteren og våren din.


Oseana har i dag sitt årlege førjulstreff med servering av graut og lansering av vårprogrammet for komande år.
Det er mykje lokalt på programmet for vinteren og våren 2019:
• Før NM-konsert med Os Musikkforening
• Osøren Jazzensemble & Marita Moe Sandven
• «Til Deg!» av og med elevar frå Kongshaug Musikkgymnas
• «This Is Me» av elevar ved Os ungdomsskule
• Prinsesse Slim med Os barne- og ungdomsteater
• Bjørnafjorden@Broadway med elevar frå Bjørnafjorden kulturskule.
Konsertar vi reknar vil slå godt an er det svært populære orkesteret Hekla Stålstrenga, og konsert med Jan Eggum saman med Halvdan Sivertsen. Eggum & Sivertsen har vore i sal ei stund, og billettane «går som hakka møkk».
Det er òg ein del humor på programmet.
Standupklubben Råkt Opp & Ned har gjort det bra i foajeen i Oseana denne hausten. I 2019 byr klubben på Comedy Fight Club.
Marit Voldsæter kjem til Oseana i februar, denne gong med suksesshowet «Null i biologi».
UKM skal ikkje berre visa ungdom frå Os og Fusa neste år, i 2019 blir sjølve UKM-festivalen for Hordaland arrangert i Oseana.
Frå i dag er heile programmet tilgjengeleg på oseana.no.