– Steinen landa ikkje midt på fortauet, men var litt stor, og ville gjort skade om den traff nokon, seier innringar. (Foto: KVB)

Varsla om ras av stein langs Byvegen

Ein bilist blei vitne til at ein stein på fleire kilo landa på fortauet.

Av: Kjetil Vasby Bruarøy

Torsdag morgon raste ein stein ned på fortauet på austsida av Byvegen, mellom Jordmorsvingen og Elvebakken.

– Den landa ikkje langt ut på fortauet, men ser stor og tung ut. Mange ferdast på dette fortauet, og viss fjellveggen er dårleg sikra bør nokon undersøka forholda, meiner innringar.

På staden ser det ut som om fleire mindre steinar har rast ned i nyare tid.

Vedkomande har òg kontakta Os kommune.

– Vi er kjent med saka. Samferdsleavdelinga vår har varsla vidare til Statens vegvesen, som har ansvar for fylkesvegane i Os, seier teknisk vakt.

Fleire saker