Lokal | 29. des. 2012
Vatn fossar mot barnehage
Enorme vassmengder trugar Skeisbotnen Barnehage.
Kjetil Vasby Bruarøylaurdag 29. des. 2012 20:56
Laurdag i 20.10-tida rykte brannvesenet i Os ut på melding om flaum på Skeie.
– Enorme vassmengder på eit jorde aust for barnehagen straumer mot Skeisbotnen Barnehage, seier Erik Walden frå Os brannvesen.
Brannvesenet driv no og pumpar vatn vekk frå husveggen. Det er førebels uvisst om noko vatn har tatt seg inn i bygningen.
– Det er nokre litt tette avlaup rundt barnehagen, så parallelt med pumpinga jobbar vi med å opna desse og driva vatnet vekk, seier Walden.
Det blei i går varsla flaum grunna melding om store nedbørsmengder. Laurdag starta tørt, men sidan 12-13-tida i dag har det regna tett.