Veidekke: Hovudkontoret tar form

Bildeserie:

1 av 4

Tysdag i førre veke kunne ordførar Terje Søviknes ta det første, symbolske spadetaket i Os på Svegatjørn-Rådal.

No skal tremenningen hans, Jarle Søviknes frå Veidekke, overta.

– Det første synlege arbeidet blir faktisk utvidinga av ein busshaldeplass i Industrivegen. Busshaldeplassen vis a vis avkøyrsla til Os vgs skal bli dobbelt så stort, fortel Søviknes.

Dette arbeidet startar 12. oktober.

Riggar til hovudkontor

I september fortalte vi om montering av midlertidig overnattingsplass til 160 arbeidarar ved Lidl-lageret i Ådnadalen.

Men hovudkontoret til Veidekke blir nærmare Svegatjørn, ved krysset mellom Ulvenvegen og Industrivegen/Kolskogen.

– Skiltet kom på plass før helga og når vatn, avlaup, internett og straum er på plass så får vi 40-45 kontorplassar i Kolskogen.

Vestafjell har selt lageret sitt til Statens vegvesen, og er berre cirka ein månad frå innflytting i nytt, stort lager i Hegglandsdalen.

Stenger Ulvenvegen - tappar ned Svegatjørn

Fredag 6. november skal Ulvenvegen stengast, for då startar nedtappinga av 7 meter djupe Svegatjørn. Omkøyring blir i Industrivegen og vil vara i to år.

– Vatnet skal pumpast opp i den kunstige bekken som renn langs E39. Det blir naturlegvis tatt prøvar og eventuelt reinsa vatn ved behov.

Svegatjørn blei grundig inspisert allereie hausten 2009. Det var først meininga å halda på noko vasspegl, men så blei det bestemt å fylla igjen heile vatnet.

– Det er mogleg at vi må ha tilkøyrd noko stein i starten, men så snart tunnelldrivinga startar så er vi sjølvforsynt.

Drivinga av 1,5 km lange Skogafjellstunnellen startar i månadsskiftet januar-februar.

I mai bli eitt felt på E39 stengd i fire månadar. Omkøyring blir om Os sentrum.

Midtsiden samleside: E39 Svegatjørn - Rådal