midtsiden

Vellukka Diddy-opning

- Folk kom med buss frå Åsane for å vera med på opningsfesten, fortel Vidar Davidsen.

image
image
image
Av: Kjetil Vasby Bruarøy

- Sjølv om 150 kvadratmeter er litt mindre enn kva vi har i dei to andre butikkane våre, ser den ganske stor ut når vi no fekk innreia den, seier Vidar Davidsen.

Torsdag opplevde han og kona Grethe, saman med nytilsette og ekstra arbeidskraft frå dei andre Diddy-butikkane, ei svært vellukka opningsdag for den nye butikken i AMFI Os.

- Vi hadde ei som ringte frå bussen på veg frå Åsane for å høyra om vi hadde meir igjen av enkelte tilbodsvarer. Vi gjekk tidleg tom for mykje, men fylte på med ein del frå lager.

Davidsen fortel om fine tilbakemeldingar frå kundane og er sjølv svært nøgd med mottakinga i Os.

- Det var kjekt å få ein slik start og det skal bli spennande å driva butikken vidare, seier butikksjef Nina Klett Døsen.

Nina starta Casual Woman på Os, flytta seinare til AMFI, men selte butikken då ho gjekk gravid for tredje gong.

- No skal det bli godt å driva butikk utan samstundes å eiga. Heime har eg tre unge "leike-ekspertar" som er veldig glad for at eg har byrja i denne typen jobb, seier Nina.

Fleire saker