Lokal | 10. sep. 2011

Venstre – det velsmakande valet

LESARINNLEGG, Terje Hatvik (V): Er du lei av vassen og vakumpakka mat?

Venstre – det velsmakande valet
Kjetil Vasby Bruarøy
Kjetil Vasby Bruarøylaurdag 10. sep. 2011 08:18

Er du lei av vassen og vakumpakka mat? Har du fått nok av mat som er tilsett vatn og fråteken smak? Meiner du at både maten og lokalpolitikken treng å piffast litt opp? Då er du sikkert interessart i eit byte både i matvegen og lokalpolitikken. Då er Os Venstre valet for deg, me er det krydderet som reddar deg både kulinarisk såvel som politisk.

Os Venstre går inn for å berga både deg og smakslaukane dine, og vil difor gjenopna kjøkenet i sjukeheimen på Lurane. Me har nemleg stor forståing for at maten ikkje automatisk smakar godt berre fordi ein økonom har rekna seg fram til det på reknemaskina si. For å laga god og velsmakande mat krevst det sjølvsagt gode råvarar, dugande fagfolk og eit skapeleg kjøken.

Og hugs at det er stor skilnad på heimelaga mat som verkeleg smakar godt, og mat som er ’forsåvidt grei nok’. Om du som brukar av heimehjelpstenesta i Os eller som eldre bebuar på Lurane saknar skikkeleg heimelaga mat, så meiner me i Os Venstre at det skal du få. Det som er vassent og vakumpakka er nemleg oftast korkje velsmakande eller visjonært.

Kor mykje Os kommune i røynda sparte på å stengja ned kjøkenet på Lurane er eit heilt ope spørsmål som truleg har meir enn éitt fasitsvar. Som med ein gryterett så kjem smaken an på kva du hiv oppi, kvaliteten på råvarene og – ikkje minst – kva du gjer med ingrediensane. Det kan difor godt henda at all den økonomiske vinninga gjekk opp i spinninga i dette høvet òg. ”Men tala lyg ikkje”, sa jenta, ho hadde rekna ut at ho var eldre enn mor si. Nei, nettopp -.

Dette vil Os Venstre gjera noko med. Me vi gje deg matgleden og den gode smaken attende. Venstre sin vidsynte visjon er eit vitalt, velfungerande kjøken på Lurane, våre vyar vert vigd vellaga variasjonar av velsmakande delikatessar. Godt val !

Velsmakande vyar, visjonære valg – velg vétig, velg Venstre

Terje Hatvik
Nr. 2 på Venstrelisto

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.