Verdsstjerne til Os
Førstkomande fredag kjem BFO til Os. Med seg har dei ei ung norsk verdsstjerne.

Bergen Filharmoniske Orkester har gjort tradisjon av å ha konsert i Oseana kvart semester, denne hausten er inga unntak.
Speler med dei store
Denne gongen har dei med seg den verdskjente norske fiolinisten Vilde Frang. Sjølv om ho berre er 25 år har Vilde allereie spelt med fleire av dei store symfoniorkestra i verda, blant anna London Philharmonic Orchestra.
Ho har vore nominert til fleire prisar, og blant anna vunne prisen for beste nykomar på Classic BRIT Awards i 2010.
Frang byrja å spela fiolin som fireåring og i ein alder av ti år debuterte ho som solist for Kringkastingsorkesteret. Sidan har det gått slag i slag.
Gjesta Skavlan
Fiolin har ikkje vore det einaste Frang har vore tidleg ute med. Ho byrja å lesa då ho var tre og som åtteåring gjekk det i Ibsen og Shakespeare.
Dette fortalde Frang då ho gjesta NRK-programmet Skavlan tidlegare i haust, saman med Bjørn Ulvaeus og The Killers. Der fortalte ho og at ho alltid har mislikt å bli stempla som vidunderborn, då ho meiner at alle born er eit vidunder.
Midtbø introduserar
Før konserten til BFO vert det introduksjonar av kommunalsjef Karl Ole Midtbø der han fortel om programmet, solistane og orkesteret.
Klikk her for å sjå meir av Vilde Frang: