Lokal | 04. juli 2015

Vestafjell skal utvida Lepsøyvegen

I går signerte dei avtalen, i september byrjar dei på utvidinga frå Grindavoll til botnen av Storumbakken.

Vestafjell skal utvida Lepsøyvegen
Krysset ved Ravneberghaugen-avkjørsla blir nytt og ungane på Storum får no gang- og sykkelveg. (Foto: KVB)
Kjetil Vasby Bruarøy
Kjetil Vasby Bruarøylørdag 04. juli 2015 07:03

I mai fortalte vi at det hadde kome inn åtte tilbod på prosjektet Grindavoll - Blindasundet, fase 1 i utviding av fylkesveg 158 Lepsøyvegen.

I går signerte Vestafjell AS kontrakt på prosjektet.

– Vi var faktisk berre 68.000 kroner billigare enn nummer to, seier Vestafjell-direktør Morten A. Hansen om prosjektet til 35 millionar kroner.

1.220 meter med veg og nye kryss

Prosjektet gjeld utviding av Lepsøyvegen og bygging av gang- og sykkelsti.

– Fase 1 startar 30 meter før krysset ved Hagavik Hjemmebakeri. Krysset skal lagast nytt og så skal vegen utvidast vidare ut mot Lepsøy.

I første omgang blir vegen utvida fram til få meter frå botnen av Storumbakken.

Også krysset inn til Skeisstøa mot Ravneberghaugen blir nytt. Vegen skal rettast ut og kjem på dette partiet ikkje til å ligga som utvida del av eksisterande veg.

Få opphald i trafikken

Arbeidet skal starta 1. september og stå ferdig i november 2016.

– Utvidinga blir i hovudsak på venstresida av vegen når du kjører mot Lepsøy.

Hansen seier trafikken til og frå Øyane stort sett skal kunna gå som normalt.

– Det blir stopp når vi skal sprenga eller skjera i fjell, elles skal det bli få periodar med stenging. Det er ganske strenge krav i oppdraget.

– Vi startar med å bygga den utvida delen og tar trafikken over på denne når eksisterande veg skal utbetrast og koblast saman med den nye for utviding.

Oppdraget er ganske likt det Vestafjell er i ferd med å avslutta i Fusa. Der har dei utvida vegen frå Venjaneset 2,1 kilometer mot Vinnes.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.