– Vi skal setta Os i brann
Video: Stig Eldred tek med seg tre band og fleire gjestemusikarar når han opnar haustprogrammet på Oseana laurdag.
Stig Eldred og Oseana har gjort det til ein tradisjon at New Zealandaren opnar haustsesongen i kulturhuset.
– Eg elskar huset og bygda.
– Difor er det så stas å få lov til å vera med å tenna ei gnist i Ospublikummet før hausten set inn.
– Eg kan lova deg at det kjem til å bli ein gøy kveld med god stemning og mykje bra frå scenen, fortel den entusiastiske musikaren.
Mat, drikke og dans
Eldred er kjend for si gode kontakt med publikum.
– Eg elskar å snakke med folk og lære dei å kjenne.
– Vi kjem til å rigga salen med runde bord, kor folk kan sitta og kosa seg med mat og drikke frå resturanten, eller dei kan nytta dansegolvet framfor scene om dei heller vil det.
– Vi hadde det utruleg kjekt i fjor med 150 i salen og eg håpar sjølvsagt at vi blir enno fleire i år, smilar Eldred.
Eksklusiv førehandskonsert
I videoen nedanfor kan du sjå Stig Eldred gje ein eksklusiv minikonsert for Midtsiden sine lesarar ved flygelet i Griegsamlinga.
– På laurdag gjer vi det same for firmaer som bestiller "vip-pakker".
– Allereie har røyrleggerfirmaet Stig E. Nilsen og Heggland Heiltre booka seg inn, men det er plass til fleire.
– Dei får sjølvsagt litt å bita i og noko boblande i glaset medan eg og nokre av musikarane gjev ein liten førehandskonsert før vi samlast i Oseanasalen.
Meir enn berre ein konsert
I Oseanasalen har Eldred fått med seg meir enn berre "bunshen of S'ane" i bandet.
– Eg har kalla det «The Norwegian Folk meets the Californian Coastline».
– I tillegg til bandet har vi fått med oss ei folkemusikkgruppe som spelar dei norske tonane, eit Irsk band som bringar oss på veg over dammen og ytterlegare eit par solistar som tek oss fram til California-kysten.
– Her blir det alt frå norsk folkerock til Joe Cocker, The Eagles og Pink Floyd.
– Totalt trur eg vi blir fire fem besetningar på scene denne kvelden, så det bør bli noko for ein kvar smak, avsluttar Stig Eldred.
Video (3:56): Sjå Stig Eldred med ein eksklusiv minikonsert for Midtsiden sine lesarar i Griegsamlinga (foto: Andris Hamre)