– Vi var dårlege i forsvar
Handballdamene til Os tapte mot nyopprykka Åsane. - Vi jobba for lite saman i forsvar, forklarer Erlend Lyssand.
Os Turn sitt damelag fekk ein draumeopning på serien då dei banka Bjørnar 32-14 i serieopninga. Torsdag var det nyopprykka Åsane som sto på motsett banehalvdel.
- I dag taper vi fordi vi ikkje får opp forsvarsspelet.
- Åsane var gode og ville vinna meir enn oss, forklarer trenar Erlend Lyssand.
Åsane - Os 28-26 (12-11)
Kampen byrja jamnt med Os eitt mål framfor stort sett heile første omgangen.
Dårleg start
Andre omgangen starta svært dårleg for Os og Åsane rykker frå med 4-5 mål.
- Vi klarer å henta oss inn igjen og utliknar til 21-21.
- Då har vi sjansen til å rykka ifrå, men vi fell saman igjen.
Åsane kontrollerer inn og vinn, overraskande for mange, 28-26.
Godkjend av Emilie
Os-kaptein Emilie Hjertnes er tilbake etter svangerskap og fødsel.
- I dag synes eg Emilie tar godt ansvar både i forsvar og angrep.
- Ho viser innstillinga som treng. Det er godt å sjå at ho er på gang igjen.
- Kva med saknet etter søstera Madeleine som skadde kneet i kampen mot Bjørnar?
- Madeleine har vore toppskårar for oss dei siste tre sesongane, så det er klart vi merkar at ho er vekke.
- Ikkje minst på den vinnerinnstillinga ho har. Den mangla vi i dag, avsluttar Lyssand.
Neste kamp for Osdamene er borte mot Bergen HK laurdag 29. september, men allereie i morgon debuterer 2. laget i 3. divisjon etter opprykket i vår.
Debuten skjer heime mot Fyllingen 2 klokka 20 i Oshallen.