Lokal | 21. apr. 2016

Vil bruka meir gulrot

Høgre, Venstre og Frp med avtale om nytt inntektssystem for kommunane for å byggje opp under kommunereformen. Vil bruke 200 millioner ekstra på saftige gulrøter.

Vil bruka meir gulrot
André Skjelstad (V), Helge-André Njåstad (Frp) og Jan Tore Sanner (H) presenterte avtalen om nytt inntektssystem torsdag ettermiddag (pressefoto)
Andris Hamretorsdag 21. apr. 2016 13:47

Torsdag ettermiddag presenterte kommunalminister Jan Tore Sanner (H), leiar av stortingets kommunalkomité Helge André Njåstad (Frp) og Venstres André Skjelstad avtalen dei tre partia har inngått om kommunane sitt inntektssystem.

– I avtalen ligg det betydeleg nye gulrøtter for dei kommunane som vil gå saman, fortalde Sanner på ei pressekonferanse i Stortinget.

Ekstra tilskot til regionale tyngdepunkt

Ei av gulrøttene er at kommunar med over 9000 innbyggarar skal få større intensiver til å slå seg saman. Til dette har dei tre partia satt av 200 millionar kroner årleg.

– Med det nye inntektssystemet sikrar vi gode og likeverdige tenester i heile landet, samstundes som vi tilbyr fleire og saftigare gulrøter til kommunene som slår seg saman. Kommuner som sjølv velgjer å vera små, skal ikkje lenger belønnast for det.

– Det er slutt på den tida der alle får ein sum pengar berre fordi dei er ei kommune. Vi skil mellom frivillige og ufrivillige små kommunar. Kommunar i tettbebygd strøk, som frivillig står aleine skal ikkje sende rekninga til andre kommunar og vil få mindre.

– Ein større del av tilskotet skal i det nye inntektssystemet gis per innbyggjar og mindre per kommune/rådhus, fortalde Njåstad på pressekonferansen.

Legg grunnlag for gode prosessar

Avtalen kjem i stand etter at regjeringa sitt framlegg til inntektssystem har vore ute på høyring og vil no bli lagt fram for stortinget.

– Eg er nøgd med at Stortinget tek initiativ til å inngå ei avtale i god tid før sommaren slik at kommunar som er i samanslåingsprosess får klarheit i kva som vil vera kommunen si inntekt. Det legg eit godt grunnlag for gode kommunesamanslåingsprosessar lokalt, seier Njåstad.

Les òg: Krevande løp mot kommunesamanslåing

Har fått gjennomslag

Ordførar Terje Søviknes (Frp) er nøgd med resultatet.

– Lokalt kan vi konstantere at vi har fått gjennomslag for Os kommune sine innspel om høgast mogleg avstandskriterie knytt til basistilskotet, 25,4 km og at dei mellomstore kommunane med regionssenterfunksjon løftast opp gjennom eit eige regionssentertilskot.

– Vi har førebels ikkje fått rekna på dei konkrete effektane for Os, men dette ser lovande ut. Det ser ut til at lobbyeringa i Oslo har betalt seg, kommenterer Søviknes.

Dette inneber avtalen:

Avtalen mellom regjeringspartia og Venstre er i tråd med den retninga som regjeringa skisserte i høyringsnotatet. Dette er nokre av punkt i avtalen:

  • Det blir etablert eit tilskot på 200 mill kr pr år til samanslåtte kommunar som blir tyngdepunkt i ein region. Dette omfattar kommunar som er frå 9.000 - 10.000 innbyggarar og større.
  • Kommunar som vedtek å slå seg saman i reformperioda får behalde eit fullt basistilskot i perioden frem til dei slår seg saman med ei eller fleire andre kommunar gjennom ei eiga overgangsordning. (Etter det får dei inndelingstilskot, reformstøtte og eingongsstøtte)
  • I samband med statsbudsjettet for 2016 blei det innført eit tilskot kor kommunar som har slått seg sammen kan søkje om pengar til infrastrukturtiltak. Det blei satt av 50 millionar i 2016-budsjettet. Bevilgningane skal styrkast i 2017.
  • Ein større del av kommunane si inntekt fordelast per innbyggjar, og mindre per rådhus / kommune. Dette vil gjera systemet meir rettferdig fordi kommunar i heile landet med det får ein meir likeverdig moglegheit til å gje gode tenester til sine innbyggjarar. (Retninga er i tråd med høyringsforslaget)
  • Arbeidet med å lokalisera nye og eksisterande statlege arbeidsplassar til distrikta skal forsterkast, og det skal utarbeidast ein konkret plan
  • Sterkare kommunar gjev grunnlag for å styrke lokaldemokratiet med fleire oppgåver. Det skal gjennomførast forsøk med å gje kommunane enkelte oppgåver frå NAV.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.